On Friday 27 September, Glesga’s Mitchell Theatre will pley host tae the first ivver Scots Language Awards. The chairity, Hands Up For Trad, which has heidit up the weel-kent Scots Trad Music Awards fae 2003, is ahint the new event, which has the aim o forderin the profile o Scots tae the public an media.
The ten caitegories o award include Scots Media Person o the Year, Scots Schuil o the Year an Scots Bairns’ Book o the Year alangside ane lifetime achievement award.
The Official Report at the Scots Pairlament regularly warks in aw three o Scotland’s official leids o English, Scots an Gaelic.
We are gey pleased that ane o oor ain Official Reporters, Ashley Douglas, has been nominatit in the category o Scots Media Person o the Year, which ye can read mair anent here.
Forby warkin fur the Official Report in the Scots Pairlament, Ashley does a hantle o wark wi the Scots leid. Maist recently, she was the owersetter on a letter-scrievin projeck atween the Basque scriever, Iban Zaldua, an the Scots scriever, James Robertson, as weel as contributin tae the National Library o Scotland’s ‘Wee Windaes’ projeck, which forders the braw scrievit history o the leid.
Ye can read mair anent the awards an aw the nominees, forby cast yer votes, here.
Scottish Parliament Official Report 
Tha e fìor mhath gu bheil sibh a’ cleachdadh na Scots!
LikeLike
Reblogged this on Blog Pàrlamaid na h-Alba and commented:
Seo post-bloga a sgrìobh ar co-obraichean còir anns an Aithisg Oifigeal mun Scots.
LikeLike